"Зилант"та кече яшьтәге балалар өчен баскетбол буенча фестиваль узды

"Зилант" спорт мәктәбендә тәрбияләнүче кече яшьтәге балалар өчен беренче тапкыр баскетбол буенча фестиваль оештырылды. Программага 7-8 яшьлек балалар өчен баскетбол элементлары кергән "Күңелле стартлар" уены үткәрелсә, 9-10 яшьлекләр командаларга бүленеп баскетбол ярышында катнаштылар. "Күңелле стартлар"да көч сынашучылар йөгерү, сикерү, төрле туплар белән идарә итүдә осталыкларын күрсәтсәләр, ярышта күппрофильле лицейның "Зәңгәр яшен", "Карчыга" командалары беренче-өченче, Кукмара 4нче урта мәктәпнең "Татарстан" командасы икенче урыннарны яуладылар. Спорт бәйрәме истәлеге буларак балаларга мәктәп администрациясе бүләкләр тапшырды.

фото: http://zik.ua/ua/news/2013/10/23/lviv_kyiv_odesa_ta_dnipropetrovsk_pryymut_yevrobasket2015_435937