Янилдә яңа ветеринария участок пункты ачылды (+фото)

Янил авылында яңа төзелгән ветеринария участок пункты куллануга тапшырылды. Махсус республика программасы нигезендә сафка баскан әлеге пунктны шәхси эшмәкәр Илсур Шәрипов җитәкчелегендәге төзелеш оешмасы төзеде. Аны куллануга тапшыру тантанасында республиканың баш ветеринария табибы Алмаз Хисаметдинов, район башлыгы Рауил Рәхмәтуллин, Вахитов исемендәге хуҗалык рәисе Нәфыйк Хөсәенов һәм башкалар катнашты. Кунаклар поселокта капиталь ремонт үткәрелгән район ветеринария берләшмәсе бинасында да булдылар. Биредә төзекләндерү эшләрен Вадим Әхәтов җитәкчелегендәге оешма башкарды.