ТНВ каналыннан күппрофильле лицей укучыларын күрсәтәчәкләр

Кукмара күппрофильле лицейның 2нче, 3нче сыйныф укучылары укытучылар Алсу Үзбәкова, Гөлзия Зиннәтовалар җитәкчелегендә Казандагы Тукай музеена барып кайттылар. Анда укучыларны телевидениегә төшергәннәр.

-Укучыларыбыз бик матур шигырьләр сөйләделәр, - диләр укытучылар. - Андагы абый - апалар алга таба да лицей белән элемтәдә торырга тәкъдим ясадылар. Җәй көне үзләре безгә килергә вәгъдә бирделәр. "Сезнең балалар кебек шигырь сөйләүчеләрнең әле булганы юк иде", - диделәр. Безне 4 июнь көнне 15.20 сәгатьтә ТНВ каналыннан "Тукай оныклары" дигән тапшырудан күрсәтәчәкләр.

Укучылар Г.Камал театрын карап үткәннәр, Бауман урамына сәяхәт ясаганнар. Укучылар бик ошатып, фотоларга төшеп, шатланып кайтканнар.

фото: http://forum.cshara.info/viewtopic.php?p=1406