Шәхси хуҗалыклардан җыелган сөт бәяләре

Октябрь аенда шәхси хуҗалыклардан җыелган сөткә бәяләр бераз күтәрелде. Сентябрь аенда сөтнең һәр литрына уртача 14-15 сумнан түләнсә, октябрьдә сөт җыючыларның күбесе 15 сумнан исәп-хисап ясадылар. Иң югары бәя - Югары Чура авыл җирлегендә. Райнур Әхмәтов сөтнең литрын 17шәр сумнан кабул иткән. Шул ук авыл җирлегендә сөт җыючы тагын ике эшмәкәр сөтне 16 сумнан җыйган. Октябрьнең беренче яртысында продукциянең һәр литрына 15 сумнан түләп, айның икенче яртысында бәяне 16 сумга күтәргән эшмәкәрләр дә бар. Ә менә Березняк, Түбән Үрәс, Нырты, Дусай авыл җирлекләрендә сөю җыючылар нибары 15 сунан исәп-хисап ясарга җыеналар. Бәяләр арасындагы мондый төрлелек мал хуҗаларында аңлашылмаучанлык тудыра.

фото: http://korovkaizkorenovki.ru/