Сак булыгыз, Кукмарада албасты йөри!!!(+фото)

Кеше ышанмастай серле хәлләр Яңа ел бәйрәмендә генә буладыр. Бүген редакциябезгә һич уйламаганда албасты килеп керде бит. Абау, йөз-кыяфәтен күрсәгез! Үзен хуҗаларча тоткан булды тагын: кемнең урындыгына килеп утырды, кемнең сумкасына яки телефонына хуҗа булырга маташты. Бу хәлдән коллективыбыз дәррәү урыныннан купты. Куркуны сиздермәскә тырышып, көлгән-елмайган булсак та, ничек кенә шүрләтте әле! Ишетүебезгә караганда, албасты кайбер оешмаларга кереп йөргән, урамдагы кешеләргә бәйләнгән. Машина йөртүчеләр дә күргәннәр, диләр аны, кайберләре кычкыртып, сигнал биреп киткән. Бәйрәм дигәч тә, бигрәк азынды инде бу җен-пәри халкы.