Район башлыгы Сергей Димитриев Кукмараның өч эре предприятие хезмәткәрләре белән очрашты (фото)

Киез итек-киез комбинаты, металл савыт-сабалар заводы, тегү фабрикасы хезмәткәрләре белән очрашуларда шулай ук Татарстан Дәүләт Советы рәисе урынбасары Римма Ратникова,Татарстан Республикасы Сәнәгать һәм сәүдә министрлыгының машина-төзелеш комплексы бүлеге начальнигы А.Коновалов, урман эшкәртү һәм җиңел сәнәгать бүлеге начальнигы В. Аполлонов, район башлыгы урынбасары Равия Каримуллина да катнашты.

Киңәшмәләрдә предприятие җитәкчеләре Шамил Әхмәтшин, Азат Заһидуллин, Рафаэль Головларның чыгышлары тыңланды. Район башлыгы Сергей Димитриев узган ел районда башкарылган эшләр белән таныштырды, дәүләт программаларының үтәлеше турында сөйләде, киләчәккә максат һәм бурычлар билгеләде. Чыгышлар соңында сорауларга җаваплар бирелде.