Поч.Сутерда гомер итүче Александра Семеновага 90 тулды

Поч.Сутерда яшәүче Семенова Александра Степановнага 90 яшь тулды. Аны юбилее белән район Башкарма комитеты җитәкчесенең социаль мәсьәләләр буенча урынбасары Рузалия Галиева, район социаль яклау бүлеге җитәкчесе Светлана Җамалиева, Важашур авыл җирлеге башлыгы Петр Ивановлар котлады. Алар туган көн яисенә Россия Президентының котлау открыткасын, район җитәкчесенең Рәхмәт хатын, истәлек бүләге тапшырдылар.

Александра Степановна гомере буе фермада эшләгән. Тормыш иптәше белән ике ул, ике кыз тәрбияләп үстергәннәр. Хәзерге вакытта юбиляр улы гаиләсендә бәхетле картлык кичерә.