Купкада бәйрәм концерты күңелле үтте (+фото)

Купка мәдәният йортында Әниләр көне уңаеннан бәйрәм узды. "Әйтче әле, бармы бу дөньяда яратмаган ана баласын?" дигән концертка халык бердәм булып килгән иде. Клуб мөдире Заһидә Галимова: "Әйдә, бәйрәмне бергә алып барабыз", - дигәч, бик теләп риза булдым. Концерт моңлы җырлар, дәртле биюләр, нәфис сүз белән үрелеп барды. Залда утыручы хөрмәтле әниләр, апалар арасында "Бәбәй киендерү" һәм "Бишек җырлары" конкурслары оештырылды. Тамашачы һәр чыгышны алкышларга күмде.

Лилия ГАРИПОВА