Алтын туй ияләренә “Мәхәббәт һәм тугрылык өчен” медале тапшырылды

Район ЗАГС бүлегендә волонтерлар үзләренең никахларын теркәгән биш парга "Гаилә, мәхәббәт һәм тугрылык көне" көне уңаеннан әлеге бәйрәмнең төп символы - ромашкалар тапшырды.

ЗАГСта ромашка сурәте төшерелгән рәсем дә урнаштырылган иде. Анда исә кунаклар яшьләргә изге теләкләрен яздылар.

8 июльдә "Тылсым" халыкка социаль хезмәт күрсәтү үзәгендә "Гармония" яшь гаилә клубының утырышы узды. Анда алты яшь гаилә чакырылган иде.

Бергә 50 ел гомер кичергән Федора һәм Иван Солдатовларга район ЗАГС бүлеге мөдире Зөлфия Латыйпова "Мәхәббәт һәм тугрылык өчен" медале, район башлыгы Рауил Рәхмәтуллинның Рәхмәт хаты һәм истәлек бүләкләре тапшырды. Әлеге парны Югары Чура авыл җирлеге башлыгы Андрей Афанасев та котлады.

.