Хезмәт даны
  • Рус Тат
  • Кукмара мәдрәсәсендә Коръән укучылар бәйгесе узды

    Кукмара мәдрәсәсендә Коръән укучылар бәйгесе үткәрелде. Биредә мәдрәсә шәкертләреннән тыш, авыл мәчетләре каршында белем алучы райондашларыбыз, шулай ук Коръәнне яттан белү буенча осталыкларын күрсәтергә теләк белдерүче якташларыбыз да катнашты. 163 катнашучының 107се - мәктәп һәм мәктәпкәчә яшьтәге балалар, 56сы өлкәннәр булды. Яшь буенча бүленүдән тыш, катнашучылар белем дәрәҗәләре буенча да...

    Кукмара мәдрәсәсендә Коръән укучылар бәйгесе үткәрелде. Биредә мәдрәсә шәкертләреннән тыш, авыл мәчетләре каршында белем алучы райондашларыбыз, шулай ук Коръәнне яттан белү буенча осталыкларын күрсәтергә теләк белдерүче якташларыбыз да катнашты. 163 катнашучының 107се - мәктәп һәм мәктәпкәчә яшьтәге балалар, 56сы өлкәннәр булды. Яшь буенча бүленүдән тыш, катнашучылар белем дәрәҗәләре буенча да берничә төркемгә бүленделәр: Коръәннән 5 сүрә яттан белүчеләр; ахыргы 10 сүрәне һәм ахыргы 22 сүрәне яттан белүчеләр. Бәйгенең җюри эшендә Диния Нәзарәтенең Коръән бүлеге мөдире, якташыбыз Илнур Хәйруллин да катнашты.

    - Татарстан Диния Нәзарәтендә Аллаһ Китабын таныту һәм пропагандалау буенча шактый зур эш башкарыла, ә мондый бәйгеләргә килгәндә, алар изге язма аятьләрен ятлау һәм өйрәнү өчен бик яхшы сәбәп-этәргеч булып тора, - дип билгеләп үтте ул.

    Реклама

    Шулай ук җыенда булучылар алдында Кукмара районы имам-мөхтәсибе Зиннур хәзрәт Сәмигуллин да чыгыш ясады. Җиңүчеләргә истәлекле бүләкләр, күчтәнәчләр тапшырылды.

    фото: http://www.ansar.ru/rfsng/2013/04/09/39548

    Нравится
    Поделиться:
    Реклама
    Комментарии (0)
    Осталось символов: