“Кукмара кышы-2015” татар –җыры конкурсы башлана

Район мәдәният идарәсе һәм "Хезмәт даны" газетасы каршындагы "Салават күпере" иҗат берләшмәсе "Кукмара кышы-2015" татар җыры-фестивален быелның декабрь һәм 2016 елның гыйнвар аенда үткәрергә карар бирделәр.

Конкурста 15 яшьтән 35 яшькә кадәр, моңа кадәр Гран-При бүләге иясе һәм беренче дәрәҗә лауреат булмаган җырчылар, ансамбльләр катнаша ала. Конкурс шартлары буенча һәр җырчы бер татар халык яисә 60-70 еллар җырларын һәм бер хәзерге заман җырын башкарырга тиеш.

Сайлап алу туры 18 декабрьдә Әсән-Елга мәдәният йортында, 19 декабрьдә Зур Сәрдек мәдәният йортында үтәчәк.

2016 елның 23 гыйнваренда район Мәдәният йортында Гала концерт, җиңүчеләрне бүләкләү була.