Кукмара 4нче мәктәбе укучылары кардан Олимпия символлары ясаганнар (+фото)

Узып киткән 2013 ел Татарстанда Бөтендөнья яшьләр һәм студентлар Универсиадасы белән хәтергә кереп калды. Быел исә Сочида кышкы Олимпия Уеннары узачак. Бу уңайдан Кукмара 4нче урта мәктәбенең Совет утырышында төрле еллардагы Олимпия талисманнарын чагылдырып кар сыннары ясарга карар кылынган. Кыш бабай белән Кар кызын - унберенче, 2014 ел символын - унынчы, 9А, 10Б сыйныфлары - тау, ә калган укучылар әкият геройларын ясаганнар. Һәр сыйныфның тырышлыгы белән мәктәп тирә-юнендә бик матур кар шәһәрчеге барлыкка килгән.