Киез итек–киез комбинаты Кубогы Кукмарада калды (+фотолар)

Кышкы озын каникул вакытында Кукмарадагы "Олимп" боз сараенда хоккей сөючеләр өчен көн саен диярлек ярышлар үтте. Быелгы сезон Кукмара киез итек-киез комбинаты Кубогына оештырылган турнир белән башланды. Анда Купка, Чишмәбаш, Аш-буҗи

авыллары, Вятка Аланы шәһәреннән "Электрон" һәм Кукмарадан "Орион" командалары катнашты.

Киеренке көрәштән соң финалга Кукмара һәм Вятка Аланы хоккейчылары чыкты. Якташларыбыз зур өстенлек белән (10:1) җиңүгә ирештеләр һәм Кубокка ия булдылар.

Ярышта катнашкан барлык командаларга комбинатның истәлек бүләкләре тапшырылды.