Кичә 36 яшьлек ир-атны яшен сугып үтергән

Саба районы Татар Икшермәсе авылында яшен сугып бер ир-атның үлеме турында Intertat.ru хәбәрчесенә шул төбәкләрнең берсендә яшәүчеләр хәбәр итте. Ә ул арада социаль челтәрләрдә дә бу хакта мәгълүмат пәйда булды.

- Татар Икшермәсе авылында зур фаҗига. Аяз көндә яшен яшьнәп, авылыбызның 36 яшьлек ир-егетен утлы яшен суга! Алган жәрәхәтләрдән ул фажига урынында ук вафат була. Якыннарына, туганнарына, тормыш иптәшенә, ятим калган 3 нарасыена Аллаһыбыз сабырлыклар бирсен иде! Авыр туфракларын жинел, яткан гүрең якты, урынын ожмахта булсын, ИлҺам! - дип язганнар социаль челтәрләрдә.

чыганак: http://intertat.ru/tt/yanalyklar/item/45597-saba-rayonyinda-36-yashlek-ir-atnyi-yashen-sugyip-%D2%AFterg%D3%99n.html

Фото: vk.com