Кемнең кулы “кычыта”? (+фото)

Төнге караңгылык иңгәч, Кукмара яшьләренең урамнарда ниләр майтарып йөрүләрен әти-әниләре күзаллыйлармы икән? Юктыр, мөгаен. Һәркемнең үз баласын балдан татлы, яхшыдан-яхшы итеп кенә күрәсе килә бит.
Ә менә Степан Разин, Чернышевский, Чехов, Эшчеләр тыкрыгы урамнарында, тимер юл вокзалы тирәсендәге тугыз данә юл билгесен кем шушындый дәрәҗәгә китерде икән?! Бу эшләрне күрше район яшьләре килеп эшләми, ләбаса.
-Юл һәлакәтләре килеп чыкмасын өчен бу билгеләрне хәзер үк рәтләп куярга кирәк. Бер билгене кую, урнаштыру 1700 сумга төшә. Поселок бюджетындагы әлеге акчаларны башка максатлар өчен файдаланган булыр идек, - ди поселок башкарма комитеты җитәкчесе Фаил Газизов.
Уйланырга җирлек бар.