Кукмарада иртәнге сәгать унга кадәр спиртлы эчемлек саткан кибетче өчен кибет хуҗасына штраф салынган

Район прокуратурасы районыбыз җирлегендә исерткеч эчемлекләрнең кулланылуын чикләү буенча законнарның үтәлешен тикшерде, дип хәбәр итте безгә прокурор урынбасары Айрат Рәхимҗанов. Алкоголь продукциясен сату 22.00 сәгатьтән 10.00 сәгатькә кадәр тыелуга карамастан, "Айнур" кибете сатучысы Любовь Коростылева 10 сәгатькә кадәр бер банка "Балтика 3 Классическое" сырасын сатты. Моның өчен шәхси эшмәкәр Райнур Миннемуллинга карата административ хокук бозу турында эш ачылды. Җәмәгать судьясы карары белән шәхси эшмәкәргә 3000 сум күләмендә штраф салынды.

фото: http://www.trezv.su/news/page-22