Иртәгә “ТАТМЕДИА” җәмгыятендә “Подписка өчен айпад” акциясе буенча призлар уйнатылачак

12 февральдә "ТАТМЕДИА" акционерлык җәмгыятендә "Подписка өчен айпад" акциясе буенча призлар уйнату көтелә. Конкурста Кукмара, Арча, Апас, Яшел Үзән районнарында яшәүчеләр актив катнашкан. Призларны уйнату мизгеле тулаем видеога язылачак һәм ул "ТАТМЕДИА" сайтының акцияләр бүлегенә куелачак. Димәк, уйнату барышын күзәтергә теләүчеләр аны башыннан ахырына кадәр карый алачаклар. Призлар уйнатуның төп нәтиҗәләре республиканың массакүләм матбугат чаралары (КЗН, "Татарстан" телеканалы, ТНВ, intertat, sntat һәм башкалар) аша да яктыртылачак.

Акция барышында барлыгы 213 заявка алынды, акциядә күрсәтелгән сроктан соң килгән хатлар исәпкә алынмады. Приз уйнатуда катнашучыларның исемлеге әлеге сайтка куелды.

Исегезгә төшерәбез, әлеге акциядә 15 комплект КУКМАРА савыт-сабалары, цифрлы өч фотоаппарат һәм төп приз - Ipad уйнатылачак.