Җимеш агачларының кәүсәләрен кышка ничек әзерләргә?

Кайбер бакчачылар кәүсәләрне тукымалардан кискән тасмалар, рубероид кисәкләре яки урталай киселгән пластик шешәләр белән урап- бәйләп куялар. Агартуны исә язга калдыралар. Ә бит кәүсәне һәм аскы ботакларны агартуны нәкъ менә хәзер, көз ахырына таба башкарырга кирәк. Бу эш агачны кышкы кояш нурлары көйдерүдән саклаячак. Кәүсәләрне кимерүчеләрдән саклау өчен тычкан тешләре үтмәслек, ачык төстәге, җил үткәргеч әйберләр: чыршы ботаклары, черкиләрдән саклагыч челтәр яки капрон колготкилар кулланырга була. Кәүсәләрне бәйләгечләр җиргә үк тиеп торырга тиеш.

Фәрит ХӘКИМОВ,

"Россельхознадзор"ның дәүләт инспекторы

фото https://im2-tub-ru.yandex.net/i?id=1074ad1343c8ff9483f242a132b1ef4e&n=33&h=190&w=285