Илдар Хуҗа берьюлы ике пар өйләнешкән игезәкле туйда катнашкан (+ФОТО)

Узган шимбәдә Татарстанда гадәти булмаган туй узды. Яңа Чишмә районы Чаллыбаш авылында туган игезәк егетләр Самат һәм Салават Мөхлисовлар өйләнде. Ә кәләшләр икесе бер сыйныфта укыган. Айгөл Сабирова Мамадыш районы Катмыш авылыннан, ә Илсөя Хуҗина шул ук районның Баскан авылы кызы.

Уйлашканнан соң, туйны бер көндә оештырырга булганнар. Банкет өчен Чистайдагы ресторанны сайлаганнар. Күрәсең, якын-тирәдә шушы кадәр кунакны сыйдырырлык башка бина табылмагандыр. Банкетка ике кияү һәм ике кәләш ягыннан 120 гә якын кеше җыелган.

"Туй бик күңелле узды", - диде Илдар Хуҗа «Туйлар.ру» хәбәрчесенә. Кәләш Илсөя Хуҗина Илдар Хуҗаның абыйсының кызы.

Матбугат.ру
№ --- | 28.04.2015