Хезмәттәшебез Гөлназ Галимҗанова республика бәйгесендә икенче урын алды

Республикабызның Уйлап табучылар һәм рационализаторлар җәмгыяте, үзенең оешуына 55 ел тулу уңаеннан, Татарстан журналистлар берлеге белән берлектә, уйлап табучылар һәм камилләштерүчеләр эшчәнлеген яктырткан иң яхшы журналистлык язмасына бәйге уздырды. II урынга газетабызда дөнья күргән "Кукмара Кулибины" һәм "Мин вундеркинд түгел" язмалары белән журналистыбыз Гөлназ Галимҗанова лаек дип табылды.

Хезмәттәшебезне чын күңелдән тәбрик итәбез, иҗатында яңадан-яңа уңышларга ирешүен, алга таба да газета укучыларны үзенең бай эчтәлекле, кызыклы язмалары белән сөендерүен телибез.