Хәдисләр нәсыйхәте

Пәйгамбәребез Мөхәммәд салләллаһү гәләйһи үә сәлләм әйтте:

- Дөрестән дә, Аллаһ һәр эшнең йомшаклык һәм игелек белән башкарылуын ярата. (Бохари, Мөслим)

- Йомшаклык кайда гына булса да - һәрнәрсәне бизи, ә аның булмавы һәрнәрсәне ямьсезләтә. (Мөслим)

- Башка мәхлукларга мәрхәмәтле булмаган кешегә карата Аллаһы Тәгалә мәрхәмәтле булмас. (Мөслим, Тирмизи)

- Бәхәсләшмәгез, башкалардан көлмәгез һәм үти алмаслык вәгъдәләр бирмәгез. (Тирмизи)

- Аллаһы Тәгалә сезнең кыяфәтегезгә дә, мал-мөлкәтегезгә дә карамый. Ул сезнең йөрәкләрегезгә һәм кылган гамәлегезгә карый. (Бохари)

- Җиңеләйтегез һәм катлауландырмагыз, шатландырыгыз һәм нәфрәтләндермәгез. (Бохари, Мөслим)