Гүзәлем белән Салават Миңнеханов “Доширак” ашый башлаган

Cалават Миңнехановның инстаграммында соңгы вакытта ризыклардан "Доширак" та, күкәй тәбәсе генә күренә.

"Шәһри Казан" хәбәрчесе җырчыдан моның сәбәбен сораган:

- Гастрольләр белән вакытыгыз тар, күрәмсең. Ә буш вакытта, Гүзәлем сезне нинди тәм-томнар белән сыйлый?

Салават болай җавап биргән:

- Ул "Доширак" дигәнегез Чаллыда ашалды. Без юлдан килгән, арыган кешеләр, тамак ач, ә шәһәрдә бер генә кафе да эшләми. Шунда кибеткә кердек тә, "Доширак" алырга булдык. Студентлар гына андый әйберне күреп туйган, безгә тансык бит ул. Ә болай мин барлык ризыкларны да ашыйм. Иң мөһиме хәләл булсын.