02 хәбәр итә

15 гыйнвардан 21 гыйнварга кадәр район эчке эшләр бүлегенең дежур частенда 65 хәбәр һәм гариза теркәлгән, аларның 5се - җинаятьләр турында.

-Кукмарада яшәүче 28 яшьлек ир-ат бер оешмада сәүдә вәкиле булып эшләгәндә 2016 ел дәвамында акча урлаган.

-18 гыйнвар көнне Киров өлкәсендә яшәүче 50 яшьлек ир-ат машина йөртү таныклыгыннан мәхрүм ителгән килеш Күкшел авылында исерек хәлдә җиңел машина белән идарә итә;

-шул ук көнне әлеге гражданин үзен админстратив җаваплылыкка тартмау өчен полиция хезмәткәренә 7 мең сум күләмендә акча тәкъдим итә.

-18 гыйнварда поселокның Яр буе урамында бер ир-ат Кукмарада яшәүче ханымга кул күтәрә, аның сумкасын алмакчы була. Полиция хезмәткәрләре тарафыннан әлеге җинаятьне кылучы тоткарланды, аның шушындый ук башка җинаятьләргә катнашы булу-булмавы тикшерелә.

-20 гыйнварда Кукмарада яшәүче ике ир-ат Ворошилов урамында урнашкан "Сандугач" кибете киштәсеннән аракы урлыйлар.