Татарстанда юлларны ремонтлауга 8,2 млрд сум тотыла

2020 елда «Имин һәм сыйфатлы автомобиль юллары» илкүләм проекты буенча Татарстан Республикасында 254 чакрым юл төзекләндерү планлаштырыла. Моның өчен 8,2 миллиард сум акча билгеләнгән. Бу хакта «Татар-информ» яза.

Шул исәптән төбәк әһәмиятендәге 64 километр юл, ә Казан агломерациясендә — 106 километр, Чаллы агломерациясендә — 77 километр, Түбән Кама агломерациясендә 2 километр юл ремонтланачак.

Әлеге эшләр нәтиҗәсендә норматив таләпләргә җавап биргән төбәк юллары 47 процентка җитәчәк, ә нормага туры килгән шәһәр агломерацияләре юллары күрсәткече 81 процеттан артачак.

фото: Михаил Захаров