Хезмәт даны
  • Рус Тат
  • Үсемлек бетеннән ничек котылырга?

    Үсемлек бете — гөблә күп очракта җәйнең икенче яртысында барлыкка килә. Башта ул саргылт төстә була, аннары карасу-яшел төскә керә һәм бик тиз үрчи. Берничә көннән ул яшелчәләрнең яфрак астын сырып ук ала. Нәтиҗәдә яфраклар куырыла.

     

    10 литр суга иттарткычтан чыгарылган 1 стакан башлы суган һәм каһвәтарткычта вакланган 1 аш кашыгы кара яки кызыл борыч, 2-3 аш кашыгы утын көле, 1 аш кашыгы сыек сабын салып болгатырга, сөзәргә һәм шул эремәне яфракларга сибәргә кирәк. 5-6 көннән аны тагын кабатларга.
    Гөбләләргә каршы көрәштә көл эре­мәсен аерым да кулланырга була. 2 стакан утын көлен 70-80 градус җылылыктагы суга салып эретергә, шуңа 2 аш кашыгы сыек сабын кушарга, 1 тәүлек төнәтергә һәм сөзәргә кирәк. Үсемлекләргә аны җылы көнне кич белән сипкәндә файдасы күбрәк була.

    Реклама

    Моннан тыш, әче борыч төнәтмәсен дә кулланырга мөмкин. Ул болай ясала: 60 градус җылылыктагы 10 литр суга 50 грамм изелгән әче борыч кузакларын салырга, шуңа 1 аш кашыгы сыек сабын һәм 2-4 аш кашыгы утын көле кушарга. Эремәне 1 тәүлек төнәтергә, аннары сөзеп, үсемлекләргә бөркергә кирәк. 5-6 көннән тагын кабатларга.

    kiziltan.rbsmi.ru

    фото: pixabay.com

    Нравится
    Поделиться:
    Реклама
    Комментарии (0)
    Осталось символов: