Хезмәт даны
  • Рус Тат
  • Майлы помидорлар

    Майлы помидорларны эшләр өчен 1 литрлы банкалар алабыз. Төбенә петрушка, укроп кебек ваклап туралган үләннәр, берничә тырнак сарымсак, 1 аш кашыгы үсемлек мае салабыз, аннары помидорларны тезәбез.

    Бу рецептта тавык йомыркасыннан бәләкәйрәк булган помидорларны кулланабыз. Андыйлары булмаганда, эре помидорларны дүрт өлешкә бүлеп салабыз.

    Арытаба маринад әзерлибез. 3 литр суга 3 аш кашыгы тоз, 7 аш кашыгы шикәр комы, 10-15 бөртек кара борыч, берничә бөртек канәфер салабыз да кайнатырга утыртабыз. Ул кайнап чыгып, бераз вакыт үтүгә, өстенә 1 стакан уксус салабыз. Аның пыяла савыттагысын кулланабыз. Шуннан кәстрүл эченә стерильләштерергә утыртабыз. Майлы помидорларны 25-30 минут чамасы газ өстендә тотабыз.

    Шунысын да аерып әйтергә кирәк, 3 литрлы маринад 8 бер литрлы банкага җитә.

    Реклама

    Тагын бер нәрсә. Помидорлар арасына божралап туралган суган салырга да була. Салмасаң да тәмле килеп чыга.

    kiziltan.ru

    pixabay.com

    Нравится
    Поделиться:
    Реклама
    Комментарии (0)
    Осталось символов: