Кукмарадан М.Хәерова суык тиюдән рецепт тәкъдим итә
Рецепты мөселман календареннан алынган төнәтмәнең файдасын күрдем. Ул иммунитетны ныгыта, бавырны чистарта, суык тидерүне булдырмый кала. Аның рецептын сезнең игътибарга да тәкъдим итәм.
Уртача зурлыктагы 4 Үзбәкстан лимонын һәм бездә үскән 15 тырнак сарымсакны иттарткычтан чыгарыгыз. Әлеге катнашманы кайнап суынган 3 литр суга салыгыз. Савытның өстен каплап, 3 тәүлек бүлмә температурасында тотканнан соң, дүртенче көнне лимон белән сарымсакны сөзеп алыгыз. Якынча 2,5 литр сыекча хасил була, аны суыткычта саклагыз. Әзер төнәтмәне олылар өчен – 1 стакан суга 5 аш кашыгы, балаларга 3 аш кашыгы салып, иртән ач карынга эчегез. Суык тигән вакытта көнгә 3 тапкыр эчү киңәш ителә.
Зарары булырга мөмкин. Табиб белән киңәшләшү зарур.
М.ХӘЕРОВА, Кукмара
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Оставляйте реакции
Нет комментариев