Хезмәт даны
  • Рус Тат
  • Кемгә песи кирәк?

    "Песи балаларын яхшы кулларга бирәм". Газетабызның соңгы саннарының берсендә шушындый эчтәлекле белдерүне күргәнсездер инде. Хәтерләвемчә, мондый игъланның ничәмә-ничә еллар эчендә икенче тапкыр гына бирелүе әле. Дөрестән дә, эшлекле тәкъдимнәр арасында сәер кебек күренә ул. Мәче кайгысы мыни монда, акча табу, тормышны алып бару турында уйларга кирәк, дияр кайберәүләр. Гадәттә, кемнеңдер...

    "Песи балаларын яхшы кулларга бирәм". Газетабызның соңгы саннарының берсендә шушындый эчтәлекле белдерүне күргәнсездер инде. Хәтерләвемчә, мондый игъланның ничәмә-ничә еллар эчендә икенче тапкыр гына бирелүе әле. Дөрестән дә, эшлекле тәкъдимнәр арасында сәер кебек күренә ул. Мәче кайгысы мыни монда, акча табу, тормышны алып бару турында уйларга кирәк, дияр кайберәүләр. Гадәттә, кемнеңдер ишәеп киткән песи гаиләсе ишегалдында, терлек абзарында яши, "мияукай"ларны читкә, язмыш кочагына илтеп ташлаучылар да, хәтта тууга ук һәлак итүчеләр дә бар. Нәни җан ияләрен яхшы урынга урнаштырырга теләүчеләр дә, шөкер, җитәрлек әле. Алдагы белдерү иясе кебек, ягъни. Татьяна исемле танышым булып чыкты ул.


    -Песи кирәкме сиңа? Бик матуры бар, өч төстәге йонлы. Андыйлар бәхет китерә, диләр, - дип башлады сүзен минем шалтыратуыма каршы.- Күрше әбинеке иде ул. Әбине балалары үз яннарына алып киткәч, хуҗасыз калган песи безгә килеп керде. Сыендырдык инде. Каядыр читкә китеп балалаган. Берзаман ияртеп кайтты шуларны. Бик сөйкемлеләр, шаяннар. Инде икесе генә калды, калганнарына хуҗалар табылды. Үзебезнең дә ата песиебез бар. Яхшы токымлы, йоны кабарып тора. Гомер буе шундыйларны асрадык. Гаилә әгъзалары кебек иде алар. Ирем дә, балалар да "мияукайлар"ны бик яраттылар.


    Шулчак Татьянаның бер елны песиләре югалу турында белдерү биргәнлеге исемә төште. "Кысыр хәсрәт белән йөри. Беткәнмени дөньяда мәчеләр?" - дип уйлаган идем үзем дә шул чагында. Уйларсың да: фатирларында янгын чыгып, торыр җирсез, мал-мөлкәтсез калган чаклары иде бит аларның. Яраткан песиләре янгыннан куркып качкан, күрәсең. Эзләп-эзләп тә табылмаган ул.
    Хәзер өйләрендә ике зур мәче яши.


    -Акыллылар. Эштән кайтып керүебезгә каршы алалар. Ә инде кемдер кыңгырау төймәсенә басса, ишеккә бездән алда йөгерәләр, - ди Татьяна. Бу йомшак, иркә җан ияләре турында озаклап сөйләргә әзер ул. Әмма өйдә күпләп асрап булмый бит аларны. Шуңа күрә песи балаларыннан котылырга теләүчеләр Татьяна кебек газетага игълан бирсәләр яхшырак булыр иде. Тилмереп йөрүче ташландык йорт хайваннары бик кызганыч бит.

    фото: http://www.wallsgeneration.ru/photo/1058/vislouxij-kotenok.html

    Нравится
    Поделиться:
    Реклама
    Комментарии (0)
    Реклама
    • 19 апрель 2018 - 09:48
      Ике сәгать көткәч, балаларның җыр-биюгә теләкләре дә калмады Күптән түгел мәктәпкәчә яшьтәге балалар катнашында ижади концерт оештырылды.
      431
      0
      2
    • 18 апрель 2018 - 15:06
      Мәгънәсез сүз сөйләшмик Ничә яшьтә дә әни бик кадерле, аны бер дә югалтасы килми. Аллаһы Тәгалә күпме гомер биргән бит: кемдер балачакта ук, кемдер урта яшьләрдә вафат була, кемдер бу дөньядан тирән картлыгын кичергәч кенә китеп бара.
      283
      0
      1
    • 13 апрель 2018 - 12:51
      Якташларым белән горурланам Райондашларым кайсы гына тармакта хезмәт куйсалар да, үз эшләрен җиренә җиткереп башкаралар
      266
      0
      1
    • 12 апрель 2018 - 11:28
      Хаксызга кеше рәнҗетмик Үзара салым хисабына авылларда күпме эшләр башкарылганы һәркемнең күз алдында. Динебез кешегә нахак сүз әйтергә кушмый, азрак сабыр булсак, сүзебезне үлчәп сөйләсәк иде
      365
      0
      2
    • Кукмарада әти-әниләр бердәм республика имтиханы тапшырдылар
    • Кукмарада прокуратура һәм гадәттән тыш хәлләр оешмалары тикшерүгә чыкты
    • Кукмарада балалар командалары арасында хоккей буенча төбәкара ярышларның ачылу тантанасы
    • “Үрәсбаш” ярдәмче хуҗалыгында семинар булды
    • Кукмара районында үткән халык җыеннарында Римма Ратникова катнашты
    • Кукмара хоккееның 50 еллыгы уңаеннан шайбалы хоккей буенча турнир
    • Сез эшне ничек эзлисез?
      21 кеше тавыш бирде
    Ночной режим