Закирова Фәния Заһит кызының туган көне!

Аман-Оштырма авылында туып, шунда яшәүче Закирова Фәния Заһит кызының туган көне – 55 яшьлек юбилее.  

Ачык йөзле, туры сүзле, һәрьяктан уңган, булган, аш-суга дисеңме, җыр-моңга дисеңме, юкка гына аны авылыбыз сандугачы, димиләр.

Сине чын күңелдән бәйрәмең белән тәбрик итәбез. Сиңа хәерле-бәрәкәтле озын гомер, саулык-сәламәтлек, күңел тынычлыгы, бәхет-шатлык телибез. Кайгы-хәсрәткә бирешмичә, энебез Рашит белән балаларыңның, оныкларыңның игелеген күреп, тигезлектә озак яшәргә Ходай насыйп итсен.

Нинди генә теләк юлласак та,
Аз булыр күк синең хөрмәткә.
Исән-сау бул, озак яшә әле,
Без һәммәбез шушы теләктә.

Иң изге теләкләр белән барлык туганнарың исеменнән Миннәхмәт, Миннегөл.