Хәйруллина Розалия Үзбәк кызының туган көне

Олыяз авылында туып-үсеп, бүгенге көндә Кукмарада яшәүче, «Чәй йорты»н җитәкләүче Хәйруллина Розалия Үзбәк кызының 4 октябрьдә туган көне – 55 яшьлек күркәм юбилее.

Хезмәттәшебез! Сезне ихлас күңелдән гомер бәйрәмегез белән котлыйбыз. Без сезне күп еллар дәвамында аш-су өлкәсендә эшләп, зур тәҗрибәгә ия, киң күңелле, үз хезмәтен җиренә җиткереп башкаручы, ярдәмчел, тырыш, кыен чакларда терәк булырга сәләтле, тынгысыз җитәкче буларак беләбез. 

Алга таба да гади һәм кешелекле, олы җанлы, һәрвакыттагыча сабыр булып калыгыз. Сезгә сәламәтлек, гаилә тигезлеге, хезмәт уңышлары, бәрәкәтле тормыш телибез.

Изге теләкләр белән хезмәттәшләрегез.