Рафилә Фәттахова: Агач шәүләсендә утырган биналар ачылып киткән

Шәһәр үзәгенә атна-ун көн төшмәсәң, ниндидер үзгәреш буласын көт тә тор. Менә бу юлы да йомыш белән чыккач шаккаттым. Ленин бабайның яңартылган һәйкәле әллә каян балкый. Карт агачлар киселеп, яңалары утыртылган. Боларны күргәч, мин кая эләктем соң әле, дип аптырап калдым. Баксаң, үзебезнең шәһәр икән бит. Өлкәннәр урынына алмашка яңа буын килгән кебек, карт агачлар урынына яшьләрен утыртып бик дөрес эшләгәннәр. Бөтен җир яктырган, агачлар шәүләсендә генә утырган биналар ачылып киткән.

Рафилә ФӘТТАХОВА, Кукмара
Фото: Алсу Гатауллина/ «Хезмәт даны»