Паркта бик күңелле

Шәһәребезнең Атлас Булатов исемендәге мәдәният һәм ял паркын торгызу һәркемдә зур канәгатьләнү хисе тудырды. Хәзер парктан кеше өзелми. Балалар аттракционнарда күңел ача, эскәмияләрдә өлкәннәр ял итеп утыра, яшь әниләр бала коляскалары тартып йөри, тротуарлардан килгән велосипедчылар җилдерә...Ял көннәрендә кичке якта паркта аеруча җанлылык: төрле авыллардан үзешчәннәр матур концерт куялар. Кыскасы, парк халыкка мәдәни хезмәт күрсәтү буенча нәтиҗәле эшли. Безгә шушы паркны саклап тотасы, мәдәни чараларда активрак катнашасы иде.