Игълан тактасы кирәк

Кукмарадагы "Олимп" боз сараенда хоккей буенча ярышлар еш булып тора. Район күләмендәгесе дә, республиканыкы да. Әмма күпләр бу турыда белми дә кала. Чөнки алар турында халыкка хәбәр итү җитеп бетми. Мин бу хакта газета аша бер тапкыр үтенечемне җиткергән идем инде, колак салучы гына булмады. Боз сарае янәшәсенә зур итеп игъланнар тактасы ясап кую авыр эшме икән? Үзәк базар, Нур Баян микрорайоны тирәсенә дә халык игътибарына белдерүләр куелса, тамашачылар саны тагын да күбрәк булыр иде.

63 яшьлек пенсионер