Һөнәр сайлау турында уйланулар: күңел кушканчамы, әллә акча өченме

Һөнәр сайлау — кеше тормышындагы иң мөһим карарларның берсе. Кайчак бу сорау алдында аптырап калабыз: йөрәк кушкан юлдан барыргамы, әллә акча китерә торган һөнәрне сайларгамы? 

Бер яктан караганда, яраткан эшең белән шөгыльләнү — зур бәхет. Кеше эшкә теләп бара, үзен кирәкле итеп хис итә, рухи канәгатьлек ала. Мондый кешеләр, гадәттә, арыганны да сизми, чөнки алар үз эшләрен ярата. Ләкин тормышның икенче ягы да бар. Акча — кирәкле нәрсә. Гаилә кору, йорт тоту, балалар үстерү өчен тотрыклылык кирәк. Шуңа күрә кайберәүләр күңеленә якын булмаган, әмма керемле һөнәрне сайлый. 

Минемчә, иң дөрес юл — урталык табу. Әгәр мөмкинлек бар икән, яраткан эшеңне акча китерә торган итәргә тырышырга кирәк. Ә инде андый мөмкинлек булмаса, кешегә үз эшендә дә уңай яклар табарга, үсәргә омтылырга кирәк. Чөнки гомер буе яратмаган эштә эшләү кешене бәхетле итми. Ә бары тик акча өчен генә яшәү дә күңелне буш калдыра. Шулай итеп, һәркем үз юлын үзе сайлый һәм шул сайлау аның киләчәк тормышын билгели. Барыбызга да бу кыска дөньяда яраткан эштә хезмәт куярга язсын.

Ф., Кукмара

Фото: «Татар-информ» МА