Аяк тирләгәннән - чәй содасы

Көннәр салкынайтып, җылырак аяк киеменә күчүгә, аяк тирләп интегүчеләр күбәя. Һәр өйдә дә булган чәй содасы бу мәшәкатьтән котылырга ярдәм итә.

Бер стакан чәй содасын өй температурасында булган бер стакан суга салып болгатабыз. Аякларны алдан кер сабыны белән юарга кирәк. Әзер эремәне мамык ярдәмендә аякларга сөртәбез. Киҗе-мамык тукымадан булган оекбашларны да әлеге эремәдә чайкап, юеш килеш киеп куябыз. Бер сәгатьтән соң аякларны юып, корытып сөртәбез. Сода аякларны кычыттырырга яисә ачыттырырга мөмкин. Каршылыклар булмаганда дәвалануны бер атна буе кабатларга кирәк. Организмда артык тир бүленеп чыгуның башка сәбәпләре дә булырга мөмкин. Ул очракта табибка күренү мөһим.