Ашларыгыз тәмле булсын: хуҗабикәләргә 7 киңәш

1. Тавык кызарып пешсен өчен, аңа куе итеп каймак сыларга кирәк.

2. Балыкны кыздырыр алдыннан аны уылган сыр кушылган онда яки сохарида әвәләгез.

3. Бавыр йомшак булып пешсен өчен, аны әзерләр алдыннан ике сәгать салкын сөттә тотыгыз.

4. Ипи тиз искермәсен өчен, ул саклана торган савытка чи бәрәңге кисәге куегыз.

5. Әстерхан чикләвеген кулланыр алдыннан газ мичендә тотып алсагыз, ул тагын да хуш исле һәм тәмле булыр.

6. Яшелчәләрне пешергәндә, витаминнары саклансын өчен, агач кашык белән генә болгатыгыз.

7. Дөге таралып торсын һәм тәмле булып пешсен өчен, суга бераз гына аш серкәсе салыгыз.

Татар ашлары