Кукмара аграр көллияте студентлары автомобиль ярышлары конкурсында көч сынаштылар

Кукмара аграр көллиятендә 18 яшькә кадәрге егетләр арасында автомобиль ярышы буенча район конкурсы узды.

Конкурс ике этаптан торды: анда катнашучылар юл хәрәкәте кагыйдәләре буенча имтихан тотты һәм автомобильне фигуралы йөртү буенча белем һәм күнекмәләрен күрсәтте.

Ике конкурс нәтиҗәләре буенча Игорь Николаев җиңүче дип табылды, икенче урында — Тимур Панов, өченче урында — Булат Хаеров.

«Алга таба егетләрне ЮХИДИ имтиханнары көтә һәм әлеге конкурс алар өчен авыр сынаулар алдыннан чираттагы әзерлек булды», — дип билгеләп үтте «Юл хәрәкәте куркынычсызлыгы» учреждениесе директоры Елена Яковлева.

фото: район ЮХИДИ бүлеге