Түбән Үрәс җирлегендә халык жыены узды

Район башлыгы урынбасары Резеда Гаянова җитәкчелегендәге төркем бүген Түбән Үрәс җирлегендә булды. Очрашып-сөйләшү урта мәктәптә узды.

Җыенда чыгыш ясаган җирлек башлыгы Василий Сафаров үзара салым акчаларына башкарылган эшләрне атады, киләчәккә булган планнары белән уртаклашты. Район эчке эшләр бүлегенең полиция начальнигы урынбасары Илнар Җиһаншин районда юл фаҗигаләренә, җинаятьчелекнең торышына тукталды, балалар травматизмы турында сөйләде, мошенниклык ысулларының күбәюен билгеләп үтте, сак һәм игътибарлы булырга чакырды. 

Район башлыгы урынбасары Резеда Гаянова районда башкарылган эшләр белән таныштырды, махсус хәрби операциядәге егетләргә ярдәм иткән өчен җирлек халкына рәхмәтен белдерде. 

Танькино авылында юл төзекләндерү, мәктәпкә капиталь ремонт ясау мәсьәләләре күтәрелде.

фото: Алсу Сәләхетдинова/ «Кукмор-информ»