Смоленск өлкәсендә яшәүче саксызлык аркасында кеше үлеменә китергән юл-транспорт һәлакәте өчен Кукмарада суд каршына басачак

Кукмара районы прокуратурасы Смоленск өлкәсендә яшәүче 59 яшьлек ир кешегә карата кузгатылган җинаять эше буенча гаепләү карарын раслады. Ул автомобиль белән идарә иткәндә юл хәрәкәте кагыйдәләрен бозу, саксызлык аркасында кеше үлеменә китерүдә гаепләнә.

Тикшерү версиясе буенча, 2025 елның 12 февралендә гаепләнүче ир кеше, СКАНИА автомобиле белән «Киров-Нократ Аланы» автоюлында идарә иткәндә юл хәрәкәте кагыйдәләрен бозып, каршы як хәрәкәт полосасына чыга һәм УАЗ маркалы автомобиль белән бәрелешә. Әлеге автомобильнең пассажиры да була. Нәтиҗәдә УАЗ шоферы һәлак була, аның пассажиры авыр тән җәрәхәтләре ала. 

Ир-ат үз гаебен тулысынча таныды.

Җинаять эше Кукмара район судына җибәрелде.