Россиянең барлык мәктәпләре биш көнлек уку атнасына күчерелергә мөмкин

Йолдыз НИЗАМИЕВА, 13 август 2026 - 10:41

104

Кайбер мәктәпләрдә элеккечә алты көнлек уку атнасы гамәлдә, шуңа күрә мәҗбүри дәресләр шимбә көннәрендә дә уза.

Россиянең барлык мәктәпләре биш көнлек уку атнасына күчерелергә мөмкин

Вице-спикер Владислав Даванков җитәкчелегендәге Дәүләт Думасы депутатлары барлык мәктәпләрне 5 көнлек уку атнасына күчерергә тәкъдим итте. Кулланучыларның хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) башлыгы Анна Попова исеменә юлланган мөрәҗәгать белән РИА Новости танышкан. Бу хакта «Татар-информ» МА яза.

Башлангыч, төп һәм урта гомуми белем бирү программалары буенча мәҗбүри дәресләрне дүшәмбедән җомгага кадәр уздырырга тәкъдим ителә. Шул ук вакытта шимбә көнне дәрестән тыш, мәдәни, спорт һәм башка тәрбия чаралары уздырырга телиләр.

Инициатива авторлары фикеренчә, 5 көнлеккә күчү Россиянең барлык төбәкләрендә мәктәп укучылары өчен мәҗбүри дәресләрнең бердәм графигын билгеләргә мөмкинлек бирәчәк. Моннан тыш, балаларда атнага 2 көн мәҗбүри дәресләр булмаячак, мәктәпләр арасында шимбә дәресләре мәсьәләсендә аермалар юкка чыгачак, ә шимбә үзе ирекле белем бирү, спорт, мәдәни һәм тәрбия чаралары өчен калачак.

Фото: «Татар-информ» МА

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

«Кукмор Татарстан» Telegram-каналга язылыгыз