Өлкән яшьтәге кукмаралыларга юлда үз-үзеңне тоту турында искәрттеләр

Кукмарада «Юлларда - өлкән кешеләр» дигән акция үтте.

ЮХИДИ һәм «Юл хәрәкәте иминлеге» дәүләт учреждениесе хезмәткәрләре, Манзарас урта мәктәбенең яшь юл инспекторлары отряды белән берлектә, өлкәннәрне бәйрәм белән котладылар, аларга сәламәтлек һәм озын гомер теләделәр, юл йөрү кагыйдәләрен үтәргә чакырдылар.

Шулай ук балалар өлкәннәргә белешмәлекләр һәм тәүлекнең караңгы вакытында хәрәкәт итү өчен аеруча мөһим булган фонарьлар тапшырдылар.