Кукмарада урамда табылган акчаларны үзләштергән 68 яшьлек ирне хөкем итәчәкләр

9 ноябрь 2022 - 14:25 Автор:

admin

1212

Ир тротуарда зыян күрүченең кесәсеннән төшеп калган 200 мең сум күләмендә акча тапкан.

Кукмара районы прокуратурасы 68 яшьлек кешегә карата җинаять эше буенча гаепләү карарын раслаган. Ул урлауда гаепләнә.

2022 елның 1 октябрендә ир-ат Ленин урамындагы «Панорама» сәүдә үзәге янындагы тротуарда зыян күрүченең кесәсеннән төшеп калган 200 мең сум күләмендә акча таба. Ул, акчаларны үзләштереп, теләге буенча файдалана.

Ир-ат үз гаебен тулысынча таныды һәм акчаларны кире кайтарды.

Җинаять эше район судына җибәрелде.