Кукмарада яшәүче үлемгә китергән юл фаҗигасе өчен суд каршына басачак

Кукмара районы прокуратурасы районда яшәүче 45 яшьлек кешегә карата ачылган җинаять эше буенча гаепләү карарын раслады. Ул, транспорт чарасы белән идарә иткәндә юл хәрәкәте кагыйдәләрен бозып, саксызлык аркасында кеше үлеменә китерүдә гаепләнә.

Эш материаллары буенча, 2022 елның 13 августында «Рено Дастер» автомобиль руле артындагы ир кеше Зур Кукмара авылы юнәлешендә хәрәкәт итә. Борылыш вакытында ул идарәне югалта, каршы хәрәкәт полосасына чыга, анда «Лада Калина» автомобиле белән бәрелешә. Юл-транспорт һәлакәте нәтиҗәсендә «Лада Калина» йөртүчесе авыр җәрәхәтләрдән һәлак була.

Гаепләнүче үз гаебен таныды. Җинаять эше район судына җибәрелде.