Кукмарада яшәүче мошенниклык өчен ирегеннән мәхрүм ителгән

Кукмара районы прокуратурасы элек тә хөкем ителгәне булган 37 яшьлек ир-атка карата җинаять эше буенча дәүләт гаепләвен хуплады. Суд аны мошенниклык гамәлләре кылуда гаепле дип тапты.

2024 елның 15 гыйнварында ир-ат популяр сайтларның берсеннән игълан буенча 35 мең сумнан артык бәягә арендага юа торган пылесос ала. Шул ук вакытта ул баштан ук килешү шартлары буенча үз йөкләмәләрен үтәргә җыенмаган. Алга таба ир-ат урланган көнкүреш техникасын комиссион кибеткә тапшыра, ә алынган акчаларны үзенчә куллана.

Ир-ат үз гаебен таныды, зыянны тулы күләмдә каплады.

Суд аңа 20 мең сум күләмендә штраф һәм 7 айга ирегеннән мәхрүм итеп, колония-җирлектә үтәү рәвешендә җәза билгеләде.

Хөкем карары законлы көченә әле кермәде.