Кукмарада яшәүче Галиева Заһидә Каюм кызына 90 яшь тулды

Кукмарада яшәүче Галиева Заһидә Каюм кызы бүген үзенең 90 яшьлек күркәм юбилеен билгеләп үтә. Туган көн иясен район башлыгы урынбасары Резеда Гаянова тәбрикләде, юбилярга район башлыгының Рәхмәт хатын, истәлек бүләге тапшырды. Шулай ук район кулланучылар җәмгыяте җитәкчелеге дә Заһидә апага бүләк җибәргән иде.

Заһидә апа Олыяз авылында гомер кичерә, озак еллар күмәк хуҗалыкта эшли, соңыннан райпо кибетендә хезмәт куеп лаеклы ялга чыга. Пар канаты Әрхәметдин белән 5 балага гомер бирәләр. Соңгы 4 елда юбиляр кызы Нурсанә, кияве Рәүф гаиләсендә Кукмарада яши. 90 яшьлек әбинең 10 оныгы, 17 оныкчыгы бар.

фото: Алсу сщлщхетдинова/ «Кукмор-информ»