Кукмарада электроника кибетен басканнар

Полициянең дежур частена кибет директоры мөрәҗәгать иткән. Ул 12 октябрьдән 13енә каршы төндә билгесез кешенең форточканың тәрәзәсен этеп чыгарып кибеткә керүе һәм ун кесә телефоны белән дүрт ноутбук урлавы турында хәбәр иткән. Кибеткә килгән зыян 180 мең сумннан артыкка төшкән.

Әлеге факт буенча билгесез затка карата җинаять эше ачылган. Хәзерге вакытта полиция хезмәткәрләре тарафыннан оператив-эзләнү эшләре бара.

фото: Ильнар Тухбатов, "Татар-информ"