Кукмара районында янгын чыккан

Янгын унбиш квадрат метрны тәшкил иткән
Янгынга каршы хезмәтнең Саба отряды Күкшел аерым постыннан алынган мәгълүматларга караганда, 13 ноябрь көнне 03.02 сәгатьтә Мәмәшир авылында янгын чыккан. Янгын унбиш квадрат метрны тәшкил иткән. Янгын сүндерүчеләр килгән вакытта йортның эче бик каты төтенләнгән, ә верандасы ачык ут белән яна торган була. Шулай ук утның күрше корылмаларга да күчү куркынычы яный. Йорт хуҗасы янгын сүндерүчеләрне каршы алып, өйдә башка кеше булмаганлыгын җиткерә.
Хәзерге вакытта янгынның чыгу сәбәпләре ачыклана.

фото: https://pixabay.com/ru/