Әлеге балалар бакчасы 500000 сумлык грантка ия булды.
Кукмара районының Аш-Буҗи авылы балалар бакчасы «Иң яхшы билингваль балалар бакчасы-2025» республика бәйгесендә җиңү яулады һәм 500000 сумлык грантка ия булды.
Балалар бакчасы ирешкән уңыш — коллектив, педагоглар, ата-аналар һәм тәрбияләнүчеләрнең уртак хезмәт нәтиҗәсе.
Грант оту балаларга тел мохитендә үзләрен үстерергә, чит телләрне, туган телне өйрәнүгә, үз халкының гореф-гадәтләрен, мәдәниятен белүгә зур мөмкинлекләр ачачак.
Яңа методикаларны гамәлгә ашыру белем бирү процессының билингваль өлешен көчәйтергә мөмкинлек бирәчәк. Бу, үз чиратында, балаларга ике телне дә ышанычлы үзләштерергә ярдәм итәчәк.
Фото: Район мәгариф идарәсе
«Кукмор Татарстан» МАКС каналына язылыгыз
Нет комментариев