Кукмара районы: 2025 елда территориаль юлларның кайсы өлешләре яңарыш кичерәчәк?

«Главтатдортранс» учреждениесенең әйдәп баручы белгече Айнур Мостафин быел территориаль юлларның кайсы өлешләре яңарыш кичерәчәген билгеләп узды. 

«Республика программасы буенча Өлге—Нырты совхозы, Кукмараны көнчыгыш яктан әйләнеп узу, Мамадыш—Кукмара юлының бер участогында капиталь ремонт эшләре башкарылачак. Шулай ук Поч. Кучук—Синәр юлы тигезләнеп, нигезе ныгытылып, торба салынып, өслегенә вак таш түшәлер дип планлаштырыла. Түбән Шәмәрдән—Югары Шәмәрдән автоюлында реконструкция эшләре алып барылачак. Быелга "Имин һәм сыйфатлы автомобиль юллары" илкүләм проекты буенча "Балтач—Шәмәрдән"—Вахит—Янил автоюлында — 820 метр, Кукмара—Шәмәрдән юлында — 850 метр, Лубян—Бажениха юлында — 251 метр, Мамадыш—Кукмара юлында 1315 метр араны асфальтлау каралган. 
Кайсы участокларда юлларның нинди хәлдә икәнен беләбез. Берьюлы аларның барысын да эшләп бетерү мөмкин түгел. Шуның өчен район халкының аңлавын һәм сабыр итүен сорар идем», — диде Айнур Мостафин.

фото: архив, Ризилә Корбанова/»Кукмор-информ»