Көтелмәгән «кунак»: Кукмара үзәгендә төлке күргәннәр

Кичә кич белән Кукмара шәһәренең яр буенда гадәти булмаган вакыйга була: кукмаралылар җәяүлеләр зонасы буйлап төлке йөрүен күреп ала.

Шаһитлар сүзләренчә, хайван «Забава» ягыннан килеп чыга һәм ашыкмыйча гына яр буеннан хәрәкәт итә. Кешеләрне күргән төлке куркып качмый, бу исә шәһәр халкына беркадәр вакыт гадәти булмаган "кунак"ны күзәтергә мөмкинлек бирә.

Белгечләр фикеренчә, шәһәрдә төлкеләрнең барлыкка килүе азык эзләү яки яшәү урынының киңәюе белән бәйле булырга мөмкин. Кыргый хайваннарны күргәндә тынычлык сакларга, аларга якын килмәскә, ашатырга яки куркытырга тырышмаска киңәш ителә.

Фото: Регина Фокина/ «Татар-информ»